曹仁超「曹Sir」港股投资策略精华 曹氏格言

　　唔同行业各有分析技巧

　　我地系咪了解每一个行业？

　　一、制造业嘅利润系原材料加工资,再加生财机器嘅折旧率；毛利率来自两者差价(产品售价减原材料及工资)。影响利润最大系工厂使用率,如60％开工率,工厂肯定蚀本、70％开工率可打和、80％开工率获利、90％开工率纯利急升。

　　二、零售业嘅利润主要系入货价同零售价之差。工资、铺租系固定成本,即利润来自产品流转速度,例如能否大量售出。存货愈少,利润愈好。

　　三、服务业(例如证券行、软件编写等)主要由行业盛衰决定。例如港交所(388)去年股价上升一倍,理由系去年证券业兴旺,而非港交所职员较2005年勤力咗一倍。

　　四、Franchising。主要睇企业对品牌嘅质量及服务控制系咪成功。例如麦当劳就系最成功经营嘅franchising公司之一。本港唔少上市公司近年喺内地亦做franchising,但至今成功嘅企业极少。思捷环球(330)系少数能保持品牌形象嘅企业之一,但市场喺欧洲,一旦质量及形象受损,可连累整个franchising业务；又例如金利来(533)。近年成功嘅例子有大快活(052),透过将质量及形象重新提升为中产阶级服务而令纯利大升,股价亦大幅回升。

　　五、收购合并。至今为止,香港嘅成功例子主要系银行业,而其它行业只有利丰(494)等。一次成功嘅收购,可产生「一加一等于二点五」嘅效益；反之,一次坏嘅收购,可以系「木马屠城记」(即引敌人入自己公司)。

　　唔同行业,需要嘅分析技巧亦唔同。分析唔系一般人想象咁简单。

　　今天股市已变得喜怒无常,理由系股价升降已非基本因素推动,而系群众心理。

上一页  [1] [2] [3] [4] [5] [6] [7] [8] [9] [10]  ... 下一页  >>